Mae Citrus yn edrych ymlaen at eich croesawu chi i’n diwrnod ‘Blwyddyn y Cartref’ Drysau Led y Pen ddydd Sadwrn Ebrill 29ain yn Neuadd Trehopcyn o ddau tan bump o’r gloch. Mae’r digwyddiad cymuned yma sydd AM DDIM yn rhan o’n menter ‘Blwyddyn y Cartref’.

Byddwn yn coginio danteithion chwilota i’w rhannu ar derfyn dydd (cawl danadl), yn arbrofi â’r ‘Olwyn Almaenig’ ac yn gwneud crefftau teulu ac iddyn nhw thema ‘Cartref’. Tameidiau am ddim a gweithgareddau creadigol eraill i’w joio drwy’r pnawn i bawb. Dewch draw ar hap!

Cyn y digwyddiadau yn y Neuadd, am un o’r gloch byddwn yn mynd am dro i chwilota am ddanadl ac mae croeso i chi ddod hefyd.

Rhaglen flwyddyn o ddigwyddiadau cymuned, dosbarthiadau, gweithdai a pherfformiadau i gyd ar ein thema, sef CARTREF.

Yn ddiweddarach ar y flwyddyn byddwn yn codi Tŷ Unnos ar Gomin Pontypridd – yn ôl yr hen chwedl, petaech chi’n gallu codi tŷ dros nos a chynnau tân ar yr aelwyd erbyn toriad dydd, fe gaech chi ymgartrefu yno.  Fe gaech ffarmio’r tir cyn belled ag y gallech chi daflu bwyell o ddrws eich tŷ.

 

Cyfeiriad yr oedfan a sut i fynd yno:
Neuadd Trehopcyn, Heol y Ffowndri, CF37 2RA

Ychydig o le parcio ar y stryd sydd ar Heol y Ffowndri felly rydym yn argymell bob pobl yn dod ar eu deudroed, ar gefn beic neu â chludiant cyhoeddus lle bo modd. Rydyn ni’n argymell bws 130 neu 132 a disgyn yng Nghastell Ifor.

Amserlen ac addasrwydd oed:
I oedolion: Un o’r gloch – Taith gerdded chwilota, cyfarfod y tu allan i’r Neuadd – Gwneud cawl danadl chwilota 
I lasoed ac oedolion: Dau tan bump o’r gloch – Gweithdy’r Olwyn Almaenig (medr syrcas)
I blant a theuluoedd: Dau tan bump o’r gloch – Crefft a Gweithgareddau Creadigol 

 

Cysylltwch â bridie@citrusarts.co.uk i gael rhagor o wybodaeth.